Archive for the ‘و بِالعَاميّة : كمآن بنحكي’ Category

الموضوع اللي ببالي هو عن الملاهي و الألعاب الترفيهية اللي فيها .. هو يعني في شغلة قارفة عمري و مغلباني كتير كل ما اروح ع مدينة ملاهي بلاقي نفس الشغلة يعني بجد نفسي أعرف .. يعني ليش كل اللي بيجمعوا التذاكر من الناس أشكالهم منفرة و غريبة ..؟!! مش هو المفترض إنه يكون هادا الشخص شكلو حلو لحتى يجذب الاطفال و الكبار للعبته .. هي اشي بديهي هادا .. فما بعرف بحس كل ما اروح أركب ع وحدة كإني رايحة ع معتقل و هادا السجان .. مش كأني رايحة أركب مرجيحة و الا لعبة .. بعتقد إنه هادا الاشي هو اللي مفرق بينا و بين الغرب أو لعله واحد من ملايين الأشيا يلي خلت الشرق الحزين اللي احنا جزء منه شرق و خلت الغرب غرب .. يعني يا ناس لو انه في تخطيط عنا و تنظيم استيراتيجي حتى لأبسط الاشيا مثل العاب ترفيهية مش لكان كنا زي الغرب بل لعلنا كنا سابقينهم بمراحل يا جماعة الخير .. ! يعني مثلاً مشروع زي مشروع إنشاء مدينة ملاهي .. لازمو كتير كتير لحتى يزبط بشكل حضاري و يتماشى مع الركب .. فلو أصحاب هاي المشاريع فكروا بطريقة تانية و حسبوها صح كان مشاريعهم عادت عليهم بفوائد أكبر لانه كلنا عارفين انه اهدافهم مادية بحتة و اخر شي بيفكروا فيه هو الترفيه عن الناس .. يلي هو الهدف الأساسي ” عالمياً ” من انشاء مشروع ترفيهي !!

و يبقى السؤال : ليش هدولي الجماعة اللي بتلم التذاكر من الخلق يا ربي أشكالهم منفرة ؟!!

Advertisements